Храна без отпад- здрави навики од најмала возраст

Во рамките на заедничката соработка меѓу РЦСОО „Ванчо Питошески“ – Охрид и ОУ „Братство Единство“ – Охрид, на учениците од второ одделение успешно им беше реализирана МИО активност на тема:

„Храна без отпад – здрави навики од најмала возраст“

Активноста беше спроведена од страна на учениците од РЦСОО ,,Ванчо Питошески“-Охрид, Емануела Грижоска, Ивона Илијоска, Бора Калел, Вероника Петровска и Ивона Апостолоска , психологот на училиштето Даница Скрческа и наставниците Ристе Николески и Елена Спировска.

Учениците од ОУ „Братство Единство“ – Охрид, преку визуелни примери, демонстрации и практична работа имаа можност да:

– научат за важноста на здравите навики во исхраната;

– се запознаат со едноставни практики за намалување на отпадот;

– развиваат чувство за одговорност кон храната и околината;

– соработуваат во мешани групи и учат преку заедничка активност.

Работилницата помина во позитивна и мотивирачка атмосфера, а учениците покажаа голем интерес, љубопитност и креативност.

Овие активности придонесуваат кон:

– развивање интеркултурна чувствителност;

– градење навики за здрав живот;

– поттикнување соработка, другарство и заедништво уште од најмала возраст.

Продолжуваме со реализација на планираните МИО активности со цел зајакнување на хуманите, интеркултурните и еколошките вредности кај учениците.