Претседателот на Владата на Р. С Македонија Димитар Ковачевски беше во работна посета во Охрид за да изврши увид во работите на реконструкцијата на РЦСОО “Ванчо Питошески“
Претседателот на Владата на Р. С Македонија Димитар Ковачевски беше во работна посета во Охрид за да изврши увид во работите на реконструкцијата на Државното средно училиште и Регионален центар за стручно образование и обука “Ванчо Питошески“. Со повеќе од 108 милиони денари од буџетот на Министерството за образование и наука целосно се реновира училишниот објект, вклучително и ученичкиот дом кој е дел од овој регионален центар. Предвидено е и да се набави врвна професионална опрема за практична работа за усовршување на стручноста на учениците во угостителството и врвното хотелиерство.
Самата реконструкција ги вклучува следните градежни активности:
– Комплетно поставување на кровната конструкција на ученичкиот дом и училишната зграда
– Поставување енергетско ефикасна фасада
– Комплетна промена и поставување нова столарија
– Комплетна промена на подови
– Поставување нова електро-водоводна канализациона инсталација
– Поставување сончеви колектори
– Партерно уредување
– Набавка и поставување на опрема во кабинети и училници
