Посета на културно-историски знаменитости

Во согласност со наставниот план и програма по предметите Историја и Туристички дестинации, учениците заедно со професорите Славко Даскаловски, Катерина Џамбазовски и психологот Даница Скрческа ги посетија позначајните културни историски споменици на градот Охрид, и тоа:

Куќата на Христо Узунов и Глигор Прличев, Галеријата на икони, Самуиловите тврдини, црквата „Св. Климент и Пантелејмон“, локалитетот „Плаошник“, црквата „Св. Јован Канео“ , „Св. Богородица – Перивлепта“ и Али-пашината џамија.

Целта на посетата беше учениците да се запознаат со културно-историските знаменитости на градот и да научат да имаат разбирање за сите верски чувства и верски потреби, да им се покаже и докаже дека соживотот во заедницата и покрај различностите е возможен и прекрасен, и дека секој човек без разлика на неговата верска определба е достоен за почит и достоинство.